دوحا(ويب ڊيسڪ) فٽ بال ورلڊ ڪپ 2022 جي سلسلي ۾ اڱاري تي کيڏيل ٻن ميچز ۾ نيدر لينڊ ۽ سينيگال ڪاميابي حاصل ڪري ورتي. نيدر لينڊ ميزبان قطر کي زيرو جي مقابلي ۾ ٻن گولن تان شڪست ڏني. جڏهن ته سينيگال ايڪواڊور کي هڪ جي مقابلي ۾ ٻن گولن تان شڪست ڏئي ٻئي ٽيمون اڳئين رائونڊ يعني ٽاپ 16 ٽيمن ۾ جاءِ پڪي ڪري ورتي آهي. نيدر لينڊ جو مقابلو گروپ بي جي رنر ٽيم سان ڇنڇر تي ۽ سينيگال گروپ بي جي ونر ٽيم سان آچر تي مقابلو ڪندي. گروپ بي ۾ اربع تي ايران جو آمريڪا سان ۽ ويلز جو انگلينڊ سان مقابلو ٿيندو.
