ڪراچي (ويب ڊيسڪ)پاڪستان ڪرڪيٽ ٽيم جي اڳوڻي ڪپتان معين خان چيو آهي ته ڪرڪيٽ ۾ لاڳاپا سدائين ٻه طرفا هوندا آهن، جيڪڏهن ڀارت پاڪستان اچي ايشيا ڪپ نٿو کيڏي ته پاڪستان کي به عالمي ڪپ نه کيڏڻ کپي.پنهنجي هڪ بيان ۾ معين خان جيڪڏهن پاڪستان ۾ ايشيا ڪپ نٿو ٿئي ته ڀارت ۾ به عالمي ڪپ نه ٿيڻ گهرجي، جڏهن ته پاڪستان ۽ ڀارت وچ ۾ ڪرڪيٽ لاڳاپا بحال ٿيڻ گهرجن.اڳوڻي وڪيٽ ڪيپر بيٽر چيو ته اِهي شيون تڪراري بيان ڏيڻ سان حل نه ٿينديون، هر بورڊ برابر آهي، پئسن جي بنياد تي فرق نه هئڻ گهرجي.هن سينيئر رانديگرن کي ڪڏهن نه ڪڏهن ته ڪرڪيٽ ڇڏڻي پوندي تنهنڪري جونيئر رانديگرن کي تيار ڪرڻ سٺو سنئوڻ آهي.معين خان چيو ته ڪوچ ملڪي هجي يا پرڏيهي ايمانداري سان ڪرڪيٽ لاءِ ڪم ڪري، محمد عامر ليگ ڪرڪيٽ کيڏي رهيو آهي، ڪاڪردگي به ڏيکاري رهيو آهي، جيڪڏهن پراسيس تحت اچي ٿو ته، سندس ٽيم ۾ جاءِ ٺهي ته کيس شامل ڪيو وڃي.هن وڌيڪ چيو ته ڪنهن سيٽ رانديگر جي جاءِ تي محمد عامر کي کيڏائڻ غلط هوندو، شاداب خان جي قيادت کي نوجوان ٽيم سان هڪ سيريز تي جج ڪرڻ مناسب نه آهي، شاهين پي ايس ايل ۾لاهور قلندرز جي سٺي اڳواڻي ڪئي، هو مستقبل ۾ سٺو ڪپتان بڻجي سگهي ٿو، اعظم خان کان جيڪي غلطيون ٿيون هو پاڻ اُهي سڌاريندو.
