اسلام آباد(رپورٽ اياز مهر) قانون ۽ انصاف واري وزارت طرفان خميس ڏينهن جاري ڪيل نوٽيفڪيشن موجب وفاقي حڪومت سپريم ڪورٽ جي ججن لاءِ جڊيشل الائونس ۽ هائوس رينٽ الائونس ۾ واڌ ڪري ڇڏي آهي. هن هفتي جي شروعات ۾، حڪومت هاءِ ڪورٽ جي ججن جي هائوس رينٽ ۽ پگهارن ۾ واڌ جو نوٽيفڪيشن جاري ڪيو هو. جنهن موجب هاءِ ڪورٽ جي ججن جو هائوس رينٽ 65 هزار ماهوار مان وڌائي ساڍا ٽي لک ۽ جڊيشل الائونس 342431 مان وڌائي 10 لک 9و هزار ماهور ڪيو ويو هو. ان واڌ واري نوٽيفڪيشن تي به وقتي صدر جي صحيح ٿيل هئي. ان واڌ بعد هاءِ ڪورٽ جي جج جي ماهوار پگهار 20 لک ٿي وئي هئي. هاڻي وقتي صدر سيد يوسف رضا گيلاني جي صحيح سان 4 نومبر تي جاري ڪيل نوٽيفڪيشن موجب سپريم ڪورٽ جي ججن جي گهر جو ڪرايو 68 هزار مان وڌائي 3 لک 50 هزار ڪيو ويو آهي. جڏهن ته جڊيشل الائونس 468040 روپين مان وڌائي 1061163 روپيا ڪيو ويو آهي. ان کان اڳ جولاءِ 2023 ۾تڏهوڪي وقتي صدر صادق سنجراني سپريم ڪورٽ جي چيف جسٽس جي پگهار 12 لک ۽ جج جي پگهار 11 لک ڪئي هئي. ان کان اڳ جون 2022 ۾ تڏهوڪي صدر عارف علوي سپريم ڪورٽ جي چيف جسٽس جي پگهار وڌائي 1024324 روپيا ۽ جج جي پگهار 967636 روپيا ڪئي هئي.
