سڀني هندو دوستن کي هولي جون خوشيون مبارڪ

ڪراچي(ڊيسڪ رپورٽ) سڄي دنيا جيان سنڌ ۾ رهندڙ هندو برادري اڄ پنهنجو مذهبي ڏڻ هوليءَ جوش ۽ جذبي سان ملهائي رهي آهي. ان سلسلي ۾ اڄ شام جو مندرن توڙي گهرن ۾ هوليءَ جو مچ ٻاري خوشحالي لاءِ دعائون گهريون وينديون ۽ عبادت ڪئي ويندي.  جڏهن ته سڀاڻي ڌوڙيو جي تهوار تي هندو برادري هڪٻئي تي رنگ هاري خوشي جو اظهار ڪندي. هن خوشي جي موقعي تي سنڌيار سٿ پاران سڄي دنيا ۾ رهندڙ هندو ڀائرن ۽ ڀينرن کي مبارڪباد پيش ڪندي ساڻن خوشي جو اظهار ڪريون ٿا.