ڪراچي (اسٽاف رپورٽر)ڪراچي ۾ سڪيورٽي خدشن سبب ايئرپورٽ جي چوڌاري سڪيورٽي وڌائي وئي آهي.پوليس اختيارين موجب ماڊل ڪالوني کان جناح ٽرمينل تائين روڊ ٽريفڪ لاءِ بند ڪيو ويو آهي.اختيارين جو چوڻ آهي ته اسٽار گيٽ کان جناح ٽرمينل ۽ پهلوان گوڙ کان ايئرپورٽ تائين روڊ بلاڪ ڪيو ويو آهي.پوليس اختيارين جو چوڻ آهي ته ٽريفڪ کي ماڊل ڪالوني کان شارع فيصل ڏانهن موڙيو پيو وڃي، جناح ٽرمينل ڏانهن ويندڙ رستو بند ٿيڻ سبب ماڊل ڪالوني روڊ تي ٽريفڪ جي رواني متاثر ٿي آهي.اختيارين موجب ايئر لائن جي عملي، مسافرن ۽ ٻين ملازمن کي ايئرپورٽ پهچڻ ۾ سخت مشڪلاتن کي منهن ڏيڻو پئجي رهيو آهي.پوليس اهلڪارن جو چوڻ آهي ته ڀرپاسي وارن علائقن کان ايئرپورٽ ڏانهن ويندڙ رستا بلاڪ يا بند ڪيا ويا آهن.
