لاهور(ويب ڊيسڪ)پاڪستان ڪرڪيٽ ٽيم جو اڳوڻو ڪپتان شعيب ملڪ پي ايس ايل جي ٽيم ڪراچي ڪنگز جو حصو بڻجي ويو آهي، هن ان ڳالهه جو اعلان پنهنجي آفيشل فيس بڪ پيج تي ڪيو.پنهنجي هڪ بيان ۾ شعيب ملڪ چيو ته هڪ نئون ڏينهن، هڪ نئون چئلينج. ياد رهي ته مان پاڪستان سپر ليگ (پي ايس ايل) جي ايندڙ سيزن ۾ ڪراچي ڪنگز لاءِ ميدان ۾ لهندو.شعيب ملڪ جاويد آفريدي جو شڪريو ادا ڪندي چيو ته مون پشاور زلمي سان گڏ سٺو وقت گذريو ۽ تمام گهڻو مزو آيو، پر ڪراچي ڪنگز سان هڪ نئين شروعات آهي.ٻئي طرف پاڪستان ڪرڪيٽ ٽيم جي ڪپتان بابر اعظم پاڪستان سپر ليگ (پي ايس ايل) جي فرنچائز ڪراچي ڪنگز کي ڇڏي ڏنو آهي.بابر اعظم هاڻي پي ايس ايل جي نئين سيزن ۾ ڪراچي ڪنگز بدران پشاور زلمي لاءِ کيڏندو، پنهنجي بيٽنگ جي صلاحيتن جو مظاهرو ڪندو.
