شھدادپور:(ن س) شھدادپور لڳ پرھ ڦٽيءَ ڌاري چوري ڪرڻ لاء گھرن ۾ داخل ٿيندڙ چورن ۽ ڀاڳين وچ ۾ سخت مزاحمت ٿيڻ تي چورن جي پنھنجي مبينہ فائرنگ ۾ سندن ئي چور ساٿي گولي لڳڻ سبب قتل 2 ڀاڳيا سخت زخمي قتل ٿيل چور ساٿي کي ڇڏي فرار ٿي ويا، سڃاڻپ نہ ٿي سگهي.رپورٽ موجب شھدادپور ۾ ملدسي روڊ تي ڳوٺ گلڻ سولنگي لڳ زميندار ڄام مڪن جي زمين تي ويٺل پپو ۽ کيتو ڪولھي جي گھرن ۾ 5 نامعلوم چور چوري ڪرڻ لاء گھڙي اچڻ بعد گھر ڌڻين جي سجاڳ ٿيڻ ۽ گھرن ڀرسان بصر تي چوڪي ڏيندڙ ھاري ڀاڳين پاران چورن سان سخت مزاحمت ڪرڻ تي چورن جي ئي مبينہ ڪيل فائرنگ ۾ گولي لڳڻ سبب سندن ئي هڪ ساٿي چور مارجي ويو، جنھن جي لاش کي سندن ئي چور ساٿي ڇڏي فرار ٿي ويا.جڏھن تہ فائرنگ سبب ھاري ڀاڳيا کيتو ڪولھي ۽ پپو ڪولھي سخت زخمي ٿي پيا اھڙي اطلاع تي پوليس پهچي مارجي ويل چور جو لاش ۽ زخمي ڀاڳين کي سمس اسپتال آندوويو.زخمي ھاري ڀاڳين پپو ۽ کيتو ڀيل جي حالت نازڪ ھجڻ ڪري کين حيدرآباد ريفر ڪيو ويو جڏھن تہ مارجي ويل چور جي سڃاڻپ ناهي ٿي سگهي، شهدادپور شهر ۾ چورين ڦرن ۽ ٻين ڏوھي وارداتن جي آزار ۽ اھڙي واقعي بعد علائقي اندر ڏھڪاء پکڙجي ويو آھي. پوليس واقعي جي رپورٽ داخل ڪري جانچ شروع ڪري ڇڏي آھي.
