نوشهروفيروز (ن س )نوشهروفيروز جي عدالت بنا جواز معزز شهري کي ڌمڪائڻ ۽ ڪوڙن ڪيسن ۾ ڦاسائڻ خلاف ٺاروشاهه جي اهلڪارن تي ڪيس داخل ڪرڻ جو حڪم ڏئي ڇڏيو. ٺاروشاهه واسي محمد عارف سهتو پنهنجي وڪيل معرفت ٺاروشاهه ٿاڻي جي ٽڻ پوليس اهلڪارن شاهد ڪلهوڙو، ممتاز موريو ۽ راشد خانزادا خلاف عدالت ۾ درخواست داخل ڪرائي. شهري طرفان موقف اختيار ڪيو ويو آهي ته پوليس اهلڪار سندس ڀاءُ معزز سهري عرفان سهتو کي بنا جواز تنگ ڪري رهيو آهي ۽ ڪوڙن ڪيسن ۾ ڦاسائڻ سميت چرس جي ڪيس ۾ چالان ڪيو آهي. هن چيو ته عدالت وڪيل جا دليل ٻڌڻ بعد ٽنهي پوليس اهلڪارن خلاف ڪيس داخل ڪرڻ جو حڪم ڏئي ڇڏيو. سندس چوڻ هو ته اهي جڏهن پوليس اهلڪارن تي ڪيس داخل ڪرڻ بابت عدالتي ليٽ ٿاڻي تي کڻي پهتا ته ايس ايڇ او ٺاروشاهه پنهنجي پٽي ڀائين کي بچائڻ لاءِ سندن مٿان ٺاهه لاءِ دٻاءُ وجهي رهيو آهي. هنن مطالبو ڪيو ته فوري طور تي اهلڪارن خلاف ڪيس داخل ڪيو وڃي ٻي صورت ۾ ڪورٽ سڳوري ۾ پوليس خلاف توهين عدالت جي درخواست داخل ڪرائي سخت احتجاج ڪيو ويندو.
