شين واٽسن آسٽريلوي ڪرڪٽ تان به ريٽائرمينٽ جو اعلان ڪري ڇڏيو

سڊني (م ڊ) آسٽريليا جي مشهور ڪرڪٽ آل رائونڊرشين واٽسن بگ بيش ٽي 20 ليگ مان ريٽائرمينٽ جو اعلان ڪري ڇڏيو آهي پر هن جو چوڻ آهي ته هو دنيا ۾ ٿيندڙ اهم ليگز ۾ حصو وٺندو رهندو. 37 سالن جي شين واٽسن تقريبا ٻه ڏهاڪا ڪرڪٽ کيڏي دنيا ۾ نالو روشن ڪيو. هن 2016 ۾ انٽرنيشنل ڪرڪٽ تان ريتائرمينٽ ورتي هئي ۽ سندس چوڻ آهي ته هو خاندان سان گهڻو وقت گذارڻ چاهي ٿو. سڊني ٿنڊر جو ڪپتان رهيو ۽ پنهنجي ٽيم جو واحد رانديگر آهي جنهن 1000 کان وڌيڪ رنز ٺاهيون. هن سڊني ٿنڊرلاءِ 62 بالن تي سينچري اسڪور ڪئي. جڏهن ته موجوده آءِ پي ايل ۾ چنائي سپر لاءِ53 بالن تي 96 رنز ٺاهيون. هن پنهنجي ڪيريئر ۾ انٽرنيشنل ۽ ڊوميسٽڪ ڪرڪٽ جي 700 ميچز ۾ 25000 رنز اسڪور ڪيون. سدائين مرڪندي نظر ايندڙ ڪرڪٽ جي دنيا جي هن هيرو جا مخالف به مڃيندا آهن ته ساٿي رانديگرن سان هن جو رويو شفتقت ڀريو رهيو ۽ ڊريسنگ روم ۾ ڪڏهن ڪنهن سان جهيڙو نه ڪيائين.