اسلام آباد (بيورو رپورٽ) سينيٽر شيري رحمان صنفي بنيادن تي تشدد جي وڌندڙ واقعن کي جلد روڪڻ لاءِ سينيٽ ۾ ٺهراءُ پيش ڪري ڇڏيو، ٺهراءُ ۾ چيو ويو ته عدليا ۽ رياستي ادارن عورتن جي خلاف تشدد ۽ زيادتي جي ڪيس ۾ جوابدارن کي آخري انجام تائين پهچائڻ ۾ ناڪام نظر اچن ٿا، انهن ڪيسن کي ٻڌڻي لاءِ 480 خاص عدالتون موجود آهن پر ان جي باوجود تمام گهڻا ڪيس آهن، ٺهراءُ ۾چيو ويوته صنفي بنيادن تي تشدد ۾جوابدارن جي خلاف اثرائتي ڪارروائي نه ٿيڻ جي ڪري افسوس جوڳن واقعن جي شرح وڌندي پئي وڃي، ٺهراءُ ۾چيو ويو ته صنفي بنيادن تي تشدد جي ڪيسن جي جاچ ۾ سنجيده خاميون آهن، حڪومتي ادارن جي غلفت ۽ عدالتن ۾ انصاف نه هجڻ سبب عورتن جي خلاف ڏوهه نه پيا روڪيا وڃن، ٺهراءُ ۾ چيو ويو ته هي ايوان حڪومت کان گهر ڪري ٿو ته ان حوالي سان فوري ۽ اهم مثبت قدم کنيا وڃن، حساس ترين معاملي تي پارليامينٽ کي رپورٽ فراهم ڪئي وڃي.
