لاهور (ڊيسڪ نيوز) سنڌي زبان ۾ گيت ڳائي مشهوري ماڻيندڙ گلوڪاره صنم مارويءَ جو نئون گانو ڪوڪ اسٽوڊيو سيزن 12 ۾ رليز ڪيو ويندو. جڏهن ته صنم مارويءَ کان علاوه ڪوڪ اسٽوڊيو جي نئين سيزن ۾ راحت فتح علي خان، عطاف اسلم، حديقه ڪياني، ابرارالحق، عائمه بيگ، فريحه پرويز، قرت العين بلوچ، ساحر عي بگا، فريد اياز ۽ ٻين فنڪارن جا گيت به رليز ٿيندا. نئين سيريز وائٽل سائنز جي پراڻي ميمبر روحيل حيات پروڊيوس ڪئي آهي. جنهن شروعات کانپوءِ 2013 تائين ڪوڪ اسٽوڊيو جون سيريز تيار ڪيون. جڏهن ته 2014 کان اهو ڪم اسٽرنگز بينڊ کي مليو ۽ 11 نمبر سيريز وري زوهيب قاضيءَ ۽ علي حمزه تيار ڪئي پر ان کي پهريان کان گهٽ موٽ ملي. جنهن ڪري هڪ دفعو ٻيهر روحيل حيات کي آندو ويو آهي. نئين سيزن جو پرومو جاري ڪيو ويو آهي جنهن ۾ سمورا فنڪار موسيقيءَ جي تاريخ ۽ پنهنجي دلچسپيءَ بابت راءِ ڏيندا نظر اچن ٿا.
