ڪراچي(ويب ديسڪ)پاڪستان ڪرڪيٽ ٽيم جي اڳوڻي اسٽار بيٽسمين ظهير عباس چيو آهي ته ورلڊ ڪپ جي موقعي تي چيف سليڪٽر کي استعيفيٰ نه ڏيڻ گهرجي ها.ڳالهائيندي ظهير عباس چيو ته دنيا ۾ اهڙو ڪو مثال نه ٿو ملي ته ڪا ٽيم ورلڊ ڪپ کيڏڻ وئي هجي ۽ ڪنهن استعيفيٰ ڏني هجي.هن چيو ته ان جو مطلب اهو آهي ته چيف سليڪٽر جي ذهن ۾ ڪجهه هو ته هن اهڙي اهم موقعي تي استعيفيٰ ڏني.اڳوڻي ڪرڪيٽر چيو ته ڀارت هٿان شڪست کانپوءِ پاڪستاني ٽيم جي ڪارڪردگي خراب ٿي وئي، ڊپارٽمينٽل ڪرڪيٽ تمام ضروري هئي، اها تباهه ٿي وئي آهي.ظهير عباس چيو ته سمجهه کان ٻاهر آهي ته نمبر ون ٽيم اهڙي پرفارمنس ڏيکاري رهي آهي، اڳ ۾ ڏٺو ويو ته ڀارت خلاف شڪست کانپوءِ ٽيم خراب پرفارم ڪرڻ شروع ڪئي ان ڪري اهو ڪپتان ۽ ڪوچ جو ڪم آهي ته مورال بلند ڪري. هن وڌيڪ چيو ته ڪرڪيٽ جا منتظم يا ته اهي ماڻهو هوندا آهن جن کي ڪرڪيٽ سمجهه ۾ نه ايندي آهي يا وري سياست ڪرڻ وارا هوندا آهن، آرگنائيزر کي ڪرڪيٽ سمجهه ۾ نه ايندي آهي ته پوءِ نتيجو اهو ئي نڪرندو.اڳوڻي ڪرڪيٽر جو چوڻ هو ته ماڻهو ڪرڪيٽ کي تباهه ڪرڻ جي پويان آهن، الله جي واسطي ڪرڪيٽ رانديگرن کي ڏيو.
