ممبئي (ويب ڊيسڪ)بالي ووڊ جي مشهور اداڪار ۽ مسٽر پرفيڪشنسٽ عامر خان پنهنجي خراب عادتن بابت ٻڌايو.مشهور ڀارتي اداڪار نانا پاٽيڪر سان پنهنجي يوٽيوب چينل تي ڳالهه ٻولهه دوران فلم اسٽار عامر خان انڪشاف ڪيو ته هو هڪ ڀيرو حد کان وڌيڪ شراب پيئڻ جو شڪار ٿيو هو. ان دوران هن چيو ته هاڻ هن شراب پيئڻ ڇڏي ڏنو آهي پر سگريٽ نوشي جي عادت اڃا به ساڻس آهي.نانا پاٽيڪر کان پڇيو ويو ته ڇا هو ڪڏهن دير سان سيٽ تي پهچندو آهي، عامر جواب ڏنو ته “نه، فلمن لاء آئون هميشه وقت تي آهيان، پر زندگي ۾، مان غير منظم آهيان.”عامر خان وڌيڪ چيو ته مان پائيپ پيئندو آهيان. مون هاڻي شراب ڇڏي ڏنو آهي، پر ڪو وقت هو جو سڄي رات شراب پيئندو هوس. مسئلو اهو آهي ته مان هڪ انتها پسند آهيان، مان اهو ئي ڪندو آهيان جيڪو مسلسل ڪريان ٿو ۽ اها ڪا سٺي ڳالهه ناهي.”مون کي خبر آهي ته مان غلط ڪري رهيو آهيان پر پوءِ به مان پاڻ کي روڪي نٿو سگهان،عامر خان واضح ڪيو ته جڏهن هو ڪنهن فلم تي ڪم ڪري رهيو آهي ته هو سخت انتظام ڪندو آهي.نانا پاٽيڪر کيس نصيحت ڪندي چيو ته توهان مسلسل ڪم ڪندا رهو. جنهن جي جواب ۾ هن چيو ته هاڻي هو هر سال هڪ فلم ڪرڻ جو سوچي رهيو آهي ڇو ته اڳ هو هر ٽن سالن ۾ هڪ فلم ڪندو هو.سندس ايندڙ فلم ستار زمين پر هوندي، جيڪا 2007 جي ڪامياب فلم تاري زمين پر جو سيڪوئل آهي، جنهن ۾ عامر خان، درشيل سفاري ۽ جينيليا ڊي سوزا مرڪزي ڪردار ادا ڪري رهيا آهن.
