پشاور )ويب ڊيسڪ)قومي اسيمبلي ۾ مخالف ڌر جي اڳواڻ عمر ايوب جو چوڻ آهي ته علي امين گنڊاپور کي هٽائڻ غلط آهي.پشاور ۾ ميڊيا سان ڳالهائيندي هن چيو ته ڪي پي ڪي جو وڏو وزير صوبي جا معاملا سٺي نموني هلائي رهيو آهي.عمر ايوب جو چوڻ آهي ته پارٽيءَ ۾ ڪي به اختلاف ناهن، فارم 47 يا فارم 47 تي جيڪو به هجي، انهن سان ڳالهيون ڪرڻيون آهن، فارم 47 تي حڪومت جو رويو ڏسي ڳالهين جو فيصلو ڪنداسين.هن چيو ته 5 ڊسمبر تي پي ٽي آءِ باني سان ملاقات ٿي هئي، ان ڏينهن ئي ڳالهين واري ڪميٽي جوڙي وئي هئي ۽ ان ئي ڏينهن حڪومت مون کي گرفتار ڪيو هو.پي ٽي آءِ اڳواڻ جو چوڻ آهي ته مذاکراتي ڪميٽي ٺهڻ کانپوءِ پي ٽي آءِ جي باني سان ڪا به ملاقات ناهي ٿي.
