لنڊن(ويب ڊيسڪ) جي يو آءِ (ف) جي سربراهه مولانا فضل الرحمان چيو آهي ته مان ڪنهن به سياستدان کي قيد ڪرڻ جي حق ۾ ناهيان ۽ پي ٽي آءِ جي باني جي آزادي جي ڪوششن ۾ منهنجو ڪو ڪردار ناهي.لنڊن ۾ ميڊيا سان ڳالهائيندي مولانا فضل الرحمان لنڊن ۾ خواجا آصف سان پيش آيل واقعي جي مذمت ڪئي.مولانا فضل الرحمان چيو ته خواجا آصف جي ڪيس ۾ قانوني ڪارروائي ڪرڻ برطانيه جي ذميواري آهي.هڪ سوال جي جواب ۾ هن چيو ته اسان آمريڪا جي سياست ۾ مداخلت ڪريون ٿا، کين پنهنجي ملڪ ۾ مداخلت جي اجازت نه ٿا ڏئي سگهون. آمريڪا ۾ ريپبلڪن جي حڪومت هجي يا ڊيموڪريٽس جي، دنيا لاءِ سندن پاليسي ساڳي آهي.مولانا فضل الرحمان چيو ته آئين ۽ جمهوريت جو رات ڏينهن قتل ڪيو ويو، جمهوريت جي ڪمزوري ۾ سياستدانن جو وڏو ڪردار آهي. سياستدانن پنهنجي مفادن لاءِ جمهوريت سان سمجهوتو ڪيو.هن وڌيڪ چيو ته مان ڪنهن به سياستدان کي قيد ڪرڻ جي حق ۾ ناهيان، پي ٽي آءِ جي باني جي آزادي جي ڪوششن ۾ منهنجو ڪو به ڪردار ناهي.
