لاهور (م ڊ) مشهور لوڪ فنڪار عطاءَ الله عيسيٰ خيلوي سندس موت جي ڪوڙي خبر هلائيندڙ کي معاف ڪري ڇڏيو ۽ پوليس کي چيو ته کانئس اها پڪ وٺو ته هو آئنده اهڙي حرڪت نه ڪندو ۽ کيس آزاد ڪري ڇڏيو. ڊيره غازي خان ضلعي جي تعلقي تونسه سان تعلق رڪندڙ شعيب قيصراڻي فيس بڪ ۽ ٽوئٽر تي ڪوڙي خبر هلائي ته لوڪ فنڪار عطاءَ الله عيسيٰ خيلوي فوت ٿي ويو. سندس ان ڪوڙي خبر بعد سوشل ميڊيا تي تعزيتي سلسلو شروع ٿي ويو ۽ عطاءَ الله خان پريشان ٿي ويو. هن هڪ ويڊيو پروگرام جاري ڪيو ته مان ڪرنگهي جي هڏي ۾ تڪليف سبب ڪجهه ڏينهن اسپتال داخل هئس پر هاڻي بلڪل ٺيڪ آهيان ۽ پنهنجي گهر آهيان ۽ 13 اپريل تي دبئي ۾ شو ڪرڻ وڃان پيو. جنهن بعد پوليس شعيب قيصراڻي کي گرفتار ڪيو. پوليس جو چوڻ آهي ته قيصراڻي بليڪ ميلنگ لاءِ بدنام آهي.
تازيون خبرون
مشهور خبرون
