فيض گنج:(ن س) فيض گنج ڀرسان ڪجهه مهينا اڳ پيار جو پرڻو ڪندڙ نوجوان جو گهر اندر گوليون لڳل لاش هٿ آيو آهي. فيض گنج ڀرسان ڳوٺ جھانيان آباد واسي معشوق لاشاري تي رات دير سان ھٿياربندن گھر ۾ داخل ٿي فائرنگ ڪري قتل ڪري ڇڏيو آھي.ٻڌايو پيو وڃي ته معشوق لاشاري ڪجھ مھينا اڳ پنھنجي ئي برادري جي عورت زبيدھ لاشاري سان پيار جو پرڻو ڪيو ھيو جڏهن ته معشوق لاشاري ڪجھ ڏينھن اڳ پريس ڪلب پھچي ٿحفظ جو پڻ مطالبو ڪيو ھيو ۽ پنهنجي قتل ٿيڻ جو خدشو پڻ ظاھر ڪيو ھيو پر اڪري پوليس کيس تحفظ ڏيڻ ۾ ناڪام رھي، رات دير سان نامعلوم هٿياربند کيس گوليون هڻي قتل ڪري فرار ٿي ويا.پوليس فوتي جو لاش پوسٽ مارٽم ۽ ضروري ڪارروائي لاءِ رورل ھيلٿ سينٽر فيض گنج منتقل ڪيو جتان ضروري ڪارروائي بعد وارثن حوالي ڪيو ويو آھي.
