سيوهڻ (ن س)قلندر جي زيارت لاءِ ويندڙن جون 7 موٽر سائيڪلون پاڻ ۾ ٽڪرائجڻ سبب 2 ماڻهو فوت ۽ 12 زخمي ٿي پيا. رپورٽ موجب، پوليس ذريعن ٻڌايو ته زائرين قلندر لعل شهباز جي مزار تان واپس وڃي رهيا هئا، جڏهن ته ٽنڊو شهبازي وٽ انهن جون 7 موٽر سائيڪلون پاڻ ۾ ٽڪرائجي ويون. حادثي جي نتيجي ۾ 2 زائرين فوت ۽ 12 زخمي ٿي پيا، جن مان 2 زخمين جي حالت نازڪ ٻڌائي پئي وڃي. پوليس موجب، ٽنڊو شهبازي وٽ سڙڪ جي تعميراتي ڪم سبب حادثو پيش آيو.
