لاهور(ويب ڊيسڪ) پاڪستان ڪرڪيٽ ٽيم جي پرڏيهي ڪوچن جي ڳولا هنگامي بنيادن تي شروع ڪرڻ جو فيصلو ڪيو ويو آهي.ذريعن موجب چيئرمين پي سي بي محسن نقوي جي ترجيح قومي ٽيم لاءِ مضبوط سپورٽ اسٽاف ڳولڻ آهي ۽ ايندڙ هفتي ڪوچنگ اسٽاف جي حوالي سان اڳڀرائي جو امڪان آهي.ذريعن جو چوڻ آهي ته چيئرمين پي سي بي پاڪستاني ٽيم لاءِ پرڏيهي ڪوچن جي ڳولا هنگامي بنيادن تي شروع ڪرڻ جو فيصلو ڪيو آهي.ذريعن جو چوڻ آهي ته ليگز ۾ مصروف شيڊول سبب وڏن وڏن ڪوچز کي مشڪلاتن جو منهن ڏسڻو پئجي سگهي ٿو، ان ڪري پرڏيهي صلاحڪارن ۽ مقامي ڪوچز جو آپشن به فوري طور تي موجود آهي.پاڪستاني ٽيم اپريل جي وچ ۾ نيوزيلينڊ خلاف ٽي ٽوئنٽي سيريز کيڏڻ واري آهي، 5 ٽي ٽوئنٽي ميچن جي سيريز 18 اپريل کان راولپنڊي ۽ لاهور ۾ شروع ٿيندي.ان کان علاوه ٽي 20 ورلڊ ڪپ کان اڳ پاڪستان کي آئرلينڊ ۽ انگلينڊ خلاف ٽي 20 سيريز کيڏڻو آهي.
