راولپنڊي (ويب ڊيسڪ) لاهور هاءِ ڪورٽ راولپنڊي بينچ پنجاب ۾ ڪتا مار مهم فوري طور روڪڻ جو حڪم جاري ڪري ڇڏيو. عدالت ڌرين کي نوٽيس جاري ڪري 24 ڊسمبر تائين جواب به طلب ڪري ورتو. اينيمل پروٽيڪشن ايڪٽيوسٽ انيلا عمير طرفان داخل درخواست تي جسٽس جواد حسن لکت حڪم نامو جاري ڪيو. درخواستگذار موقف اختيار ڪيو هو ته ڪتن کي گولي هڻڻ ۽ زهر ڏيڻ غير اخلاقي ۽ غير قانوني عمل آهي، اختياريون چون ٿيون ته شهرين جي شڪايت تي ڪتا ماريا پيا وڃن. درخواستگذار اپيل ڪئي ته رياستي ادارا جانورن جي تحفظ لاءِ قومي پاليسي جوڙين.
