واشنگٽن (ويب ڊيسڪ)آمريڪي صدر ڊونلڊ ٽرمپ طرفان مارڪو روبيو کي سيڪريٽري آف اسٽيٽ بڻائڻ جو امڪان آهي.آمريڪي ميڊيا جو چوڻ آهي ته نئين چونڊيل صدر ٽرمپ فلوريڊا مان سينيٽر روبيو جي نالي تي اتفاق ڪيو آهي، جڏهن ته مائيڪل والز کي قومي سلامتي جو صلاحڪار بڻائڻ جو امڪان آهي.مائيڪل والز افغانستان ۾ جنگ وڙهي چڪو آهي، ڊونلڊ ٽرمپ جو ويجهو ساٿي آهي ۽ 5 نومبر تي ٿيل چونڊن ۾ ڪانگريس جو ميمبر چونڊيو ويو، هن جو تعلق پڻ فلوريڊا سان آهي.ان کان اڳ ڊونلڊ ٽرمپ گڏيل قومن ۾ آمريڪي نمائندي لاءِ ايلس اسٽيفنڪ جو نالو تجويز ڪري چڪو آهي.اسٽيفنڪ نيو يارڪ کان آهي ۽ ڊونالڊ ٽرمپ لاءِ هڪ وڏو فنڊ گڏ ڪندڙ رهيو آهي.ميڊيا رپورٽن موجب ڊونلڊ ٽرمپ صدارت جو عهدو سنڀاليندي ئي ڪيترائي ايگزيڪيوٽو آرڊر جاري ڪرڻ جو ارادو رکي ٿو.
