ڪراچي(اسٽاف رپورٽر)جماعت اسلامي پاڪستان جي نائب امير لياقت بلوچ جو چوڻ آهي ته حڪومت بنا دير مدرسن جي رجسٽريشن وارو مسئلو حل ڪري.پنهنجي بيان ۾ لياقت بلوچ چيو آهي ته مقتدرا جي لٺ ۽ گاجر واري فارمولي سياست ۽ پارليامينٽ کي ڪمزور ڪري ڇڏيو آهي.هن چيو ته 1973ع جو آئين اتفاق راءِ وارو دستاويز آهي، جبري ترميمون هن اتفاق راءِ واري دستاويز کي تڪراري بڻائي رهيون آهن.جماعت اسلامي پاڪستان جي نائب امير چيو ته سول ملٽري اسٽيبلشمينٽ ۽ اقتدار جا لالچ وارا سياستدان جمهوريت جا دشمن آهن.
