اسلام آباد(ويب ڊيسڪ) اسلام آباد هاءِ ڪورٽ اڳوڻي وفاقي وزير شيرين مزاري جو نالو ايگزٽ ڪنٽرول لسٽ (اي سي ايل) مان ڪڍڻ جي درخواست تي ڌرين کي نوٽيس جاري ڪندي ٽن ڏينهن ۾ رپورٽ پيش ڪرڻ جو حڪم ڏئي ڇڏيو.شيرين مزاري جو نالو اي سي ايل ۽ پي اين ايل مان ڪڍڻ واري درخواست تي ٻڌڻي ٿي.اسلام آباد هاءِ ڪورٽ جي جسٽس طارق محمود جهانگيري درخواست تي ٻڌڻي ڪئي.عدالت گهرو وزارت ۽ ايف آءِ اي کي لاڳاپيل آفيسر مقرر ڪرڻ جو حڪم ڏئي ڇڏيو.شيرين مزاري وڪيلن احسن جمال پيرزاده ۽ ايمان مزاري سان گڏ عدالت ۾ پيش ٿيا.عدالت شيرين مزاري جي وڪيل کان پڇاڻو ڪيو ته توهان جو نالو اي سي ايل ۾ آهي ته ڪاپي ڪٿي آهي؟ شيرين مزاري جي وڪيل عدالت کي ٻڌايو ته اي سي ايل ۾ نالو داخل ڪرائڻ جي ڪا به ڪاپي ناهي، ميڊيا رپورٽس سامهون آيون آهن.عدالت پڇاڻو ڪيو ته اوهان جو نالو اخبار ۾ به ناهي ته هتي ڪيئن آيو؟ جسٽس طارق محمود جهانگيري رمارڪس ڏيندي چيو ته اخبار جي آرٽيڪل ۾ رڳو هڪ انگ جو ذڪر ڪيو ويو آهي.عدالت شيرين مزاري جي وڪيل کان پڇاڻو ڪيو ته اوهان جي ڪيسن جو ڇا ٿيو؟ وڪيل جواب ڏنو ته شيرين مزاري کي ڪجهه ڪيسن مان برطرف ڪيو ويو آهي، ڪجهه اڃا التوا ۾ آهن.اسلام آباد هاءِ ڪورٽ درخواست جي ٻڌڻي 19 جولاءِ تائين ملتوي ڪري ڇڏي.
