اسلام آباد (بيورو رپورٽ) پاڪستان بار ڪائونسل جي چونڊ ۾ عابد ساقي بنا مقابلي وائيس چيئرمين چونڊجي ويو. سندس صدارت ۾ ٿيل اجلاس ۾ لاهور هاءِ ڪورٽ پاران سنگين غداري ڪيس ۾ پرويز مشرف خلاف فيصلو ڏيندڙ خصوصي عدالت جي تشڪيل کي غير قانوني قرار ڏيڻ واري فيصلي کي سپريم ڪورٽ ۾ چيلينج ڪرڻ جو ٺهراءُ منظور ڪيو ويو. عابد ساقي وڪيل برادري ۾ تمام گهڻو مقبول آهي، سندس تعلق عاصمه جهانگير گروپ سان رهيو ۽ پيپلز پارٽي جو به جيالو آهي. پي پي چيئرمين بلاول ڀٽو جاري ڪيل بيان ۾ کيس ڪاميابي تي مبارڪباد ڏني آهي ۽ اميد ظاهر ڪئي ته وڪيل برادري ملڪ ۾ قانون جي حڪمراني لاءِ پنهنجو ڪردار ادا ڪندي. اجلاس ۾ مدت مڪمل ڪندڙ وائيس چيئرمين سيد امجد علي شاهه کي ڀرپور خراج پيش ڪيو ويو ته هن پنهنجي ذميواري احسن نموني ادا ڪئي. اٽارني جنرل انور منصور خان جي سربراهي ۾ پاڪستان بار ڪائونسل جون چونڊون منعقد ٿيون. جنهن بعد 22 ميمبرن تي مشتمل پاڪستان بار ڪائونسل جي ٿيل پهرين اجلاس ۾ چيو ويو ته هن اسٽيج تي پرويز مشرف بابت ڪيس ۾ لاهور هاءِ ڪورٽ جي راءِ غير ضروري هئي. اجلاس ۾ آرمي چيف جي مدت ۾ واڌ بابت به غور ڪيو ويو ۽ چيو ويو ته ان بابت درخواست جي پويان ڪجهه ٻيا محرڪات يا سبب هئا. اجلاس ۾ ايڊوڪيٽ انعام الرحيم جي حراست تي ڳڻتي ظاهر ڪندي سندس ڪيس ۾ ڌر بڻجڻ جو به فيصلو ڪيو . اجلاس ۾ ججن جي ڀرتي جي طريقه ڪار تي پنهنجو موقف ورجائيندي چيو ته ان معاملي ۾ غير شفاف انداز اختيار ڪيو ٿو وڃي ۽ واسطيدار حلقن کي اعتماد ۾ نٿو ورتو وڃي. پي بي سي سفارش ڪئي ته جھوڊيشل ڪميشن پنهنجي قاعدن ۾ بار جي سفارشن موجب تبديلي آڻي. اجلاس ۾ چيو ويو ته پي بي سي پارليامينٽ کي آئين جي آرٽيڪل 175 اي ۾ ترميم جي سفارش ڪئي هئي جيئن اعليٰ عدالتن جي ججن جي ڀرتي ۾ جوڊيشل ڪميشن، پارليامينٽ ۽ بار کي برابري جي بنياد تي نمائندگي ملڻ گهرجي. پي بي سي خيبرپختونخواه ۾ سول پروسيجر ڪوڊ ۾ ترميم ۽ منشيات جي وڪري ۽ استعمال بابت قانون سازي کي رد ڪندي صوبائي حڪومت تي زور ڏنو ته هو ان تي نظر ثاني ڪري. اجلاس ۾ گذريل مهيني لاهور ۾ اسپتال تي حملي تي به غور ڪيو ويو ۽ صوبائي بار ڪائونسل کي ذميوارن خلاف ڪاروائي جي هدايت ڪئي وئي. عابد ساقي چيو ته آئنده وڪيل هڙتالن جي فيصلن ۾ احتياط ڪن.
لائين مرمتي ڪم تيزي سان جاري، اربع مڪمل ٿيندو،ڪارپوريشن
فيسبڪ يا انسٽاگرام اڪائونٽ لاڪ آهي؟ اِن لاڪ جو طريقو ڄاڻيو
لاڙڪاڻو ۾ سڱاوتي تڪرار ، فائرنگ، پيرسن عورت قتل،ڏوهٽي زخمي
سنڌو درياءَ تي ڪئنال ٺاهڻ واري منصوبي کي رد ڪريون ٿا
چيف جسٽس جي مقرري: ڪميٽي اجلاس ملتوي، ساڍا 8 وڳي ٿيندو
سنڌ ۾ پورهيتن جي گهٽ ۾ گهٽ اجرت 37 هزار رپيا مقرر
اڪثريتي فيصلي تي عملدرآمد ضروري ناهي، چيف جسٽس جو نوٽ
ڪورم پورو نه هجڻ سبب سينيٽ جو اجلاس بنا ڪارروائي جي ملتوي
آئيني ترميم جي سمورن معاملن کي غيرقانوني سمجهون ٿا: بيرسٽر گوهر
26هين آئيني ترميم سان عوام کي عدالتي نظام مان تڪڙو انصاف ملندو: وزيراعظم
هن ڀيري پوري پاڪستان کي بلاڪ ڪري ڇڏينداسين: علي امين
چيف جسٽس جي مقرري لاءِ 3 نالا ڪميٽي حوالي
منحرف سينيٽر قاسم پاران سينيٽ جي ميمبرشپ تان استعيفيٰ
آمريڪي صدارتي ۽ ٻين چونڊن لاءِ 9 رياستن ۾ پولنگ شروع
سنڌ حڪومت جو ڪراچي ۾ ڊبل ڊيڪر بسون هلائڻ جو اعلان
شاهه سان ايراني قونصل جنرل جي ملاقات، واپار کي وڌائڻ تي اتفاق
نواز شريف ۽ مريم نواز جو برطانيا جو دورو شيڊيول ٿي ويو
سرويچ سجاول هڪ سوچ، فڪر، ۽ آزاد اظهار جو ڪردار هو
پاڪستاني وفد جي مالياتي اڳواڻن سان ملاقات، ڪارڪردگي تي روشني وڌي
لبنان ۽ غزه لاءِ امدادي سامان هوائي ۽ زميني رستي موڪلڻ جي هدايت