مظفر آباد (ويب ڊيسڪ) نيلم وادي نگدر ڪناري جي ڀرسان ڄاڃين سان ڀريل جيپ حادثي جو شڪار ٿي نيلم درياءَ ۾ ڪري پئي جنهن جي نتيجي ۾ 3 ڄڻا فوت جڏهن ته گهوٽ زخمي ٿي پيو.ريسڪيو 1122 موجب ڄاڃين سان ڀريل گاڏي روڊ تان گذري رهي هئي ته اوچتو ڊرائيور جي ڪنٽرول مان نڪري نيلم درياءَ ۾ ڪري پئي جنهن جي نتيجي ۾ 4 ڄڻا ٻڏي فوت ٿي ويا جڏهن ته گهوٽ زخمي ٿي پيو آهي. ريسڪيو 1122 جي ڪارڪنن موجب سيءَ گهڻو هجڻ ۽ پاڻي ٿڌو هجڻ جي ڪري ڪارڪنن کي پريشانين کي منهن ڏيڻو پئجي رهيو آهي. حادثي ۾ فوت ٿي ويلن جا لاش ڪڍيا ويا آهن.ڊي ڊي ايم اي نيلم موجب فوت ٿي ويلن ۾ صابر ولد محمد يوسف، افضال ولد نثار، شيراز ولد حيدر زمان، محمد اجمل ولد سليمان رهندڙ مانسهره جا شامل آهن. لاشن کي اسپتال پهچايو ويو آهي. ٻڌايو پيو وڃي ته حادثي ۾ زخمي ٿيل گهوٽ نقاش ولد اورنگزيب جي حالت خطري کان ٻاهر آهي.
