لاهور (ويب ڊيسڪ)پاڪستان ڪرڪيٽ ٽيم جي مڊل آرڊر بيٽسمين افتخار احمد چيو آهي ته منهنجو مقصد ورلڊ ڪپ کيڏڻ ۽ ٽيم کي ڪاميابيون ڏيارڻ آهي. افتخار احمد چيو ته ٽيم ۾ واپسي تي خوش آهيان، واپسي تڏهن ٿيندي آهي جڏهن توهان ڪارڪردگي سبب ٽيم مان ٻاهر هوندا آهيو.هن چيو ته هميشه ٽاپ آرڊر پرفارم ڪندو آهي، ان ڪري مون کي مڊل آرڊر ۾ گهڻو موقعو نه مليو، ڪڏهن 2 اوور، ڪڏهن 3، ڪڏهن 5، گهڻو موقعو نه مليو.مڊل آرڊر بيٽسمين وڌيڪ چيو ته منهنجو ڌيان سٺي ڪارڪردگي ڏيڻ ۽ ٽيم کي ڪاميابي ڏيارڻ تي آهي، هڪ پروفيشنل جي حيثيت سان مان سمجهان ٿو ته مان 2 بال کيڏيان يا 5 بال، مان پنهنجي ٽيم لاءِ کيڏندس.هن چيو ته مان آخري ميچ آسٽريليا خلاف کيڏيو، ويسٽ انڊيز جي دوري ۾ ٻاهر ويس، ٽيم ۾ منهنجو ڪردار هڪ فنيشر جو آهي، مان هميشه اهو ڪردار ادا ڪرڻ جي ڪوشش ڪندو آهيان.افتخار احمد اهو به چيو ته انتظاميا هميشه چوندي آهي ته وڃ ۽ پنهنجي فطري راند کيڏي، مون کي جتي به موقعو ملندو آهي، مان پنهنجي ڪرڪيٽ مان لطف اندوز ٿيندو آهيان.
