راولپنڊي (ويب ڊيسڪ)پاڪستان سپر ليگ نائن جي 27 هين ميچ ۾ اسلام آباد يونائيٽيڊ 3 وڪيٽن تان ملتان کي شڪست ڏئي پلي آف لاءِ ڪواليفاءِ ڪري ورتو. هاءِ اسڪورنگ ميچ م ڪولن منرو 84 شاداب خان 54، عماد وسيم 30 ناٽ آئوٽ رنسون ٺاهي ميچ کٽائڻ م اهم ڪردار ادا ڪيو. آخري اوور ۾ 13 رنسون گهربل هيون عباس خان آخري اوور ۾ فهيم اشرف کي آئوٽ ڪيو پر عماد ڇڪو هڻي اسڪور برابر ڪيو ۽ هڪ بال تي هڪ رن گهربل هئي ته هن آخري بال تي چوڪو هڻي ميچ کٽي ورتي. ان کان اڳ ملتان سلطانز 4 وڪيٽن جي نقصان تي 228 رنز ٺاهيون. اسلام يونائيٽيڊ جي ڪپتان شاداب خان ٽاس کٽي ملتان سلطانز کي بيٽنگ جي دعوت ڏني. ملتان سلطانز پاران 44 رنسن جي مجموعي ۾ ياسر خان ۽ محمد رضوان پاران شروعات ڪئي وئي ۽ ياسر خان 16 بالن تي 33 رنسون ٺاهي آئوٽ ٿيو. محمد رضوان به 20 رنسون ٺاهي سگهيو. جنهن بعد عثمان خان هڪ ڀيرو وري شاندار بيٽنگ ڪندي هلندڙ پي ايس ايل سيزن ۾ پنهنجي ٻئي سينچري مڪمل ڪئي. هو 50 بالن تي 100 رنسون ٺاهي ناٽ آئوٽ رهيو. هن 15 چوڪا ۽ 3 ڇڪا هنيا.
