اسلام آباد: (بيورو رپورٽ) وزيراعظم شهباز شريف جي سياسي معاملن واري صلاحڪار راڻا ثناءُالله اشارو ڏيندي چيو آهي ته ممڪن آهي ته پي ٽي آءِ باني عمران خان جو ملٽري ٽرائل ڪيو وڃي، سياسي ڳالهيون ٿيڻ گهرجن، ڇو ته سياسي مسئلن جي حل جو ڊائيلاگ کان علاوه ٻيو ڪوبه طريقو نه آهي.راڻا ثناءُالله هڪ انٽرويو ۾ پي ٽي آءِ باني تي سخت تنقيد ڪندي دعويٰ ڪئي آهي ته هنن جي تقريرن ملڪ ۾ معاشي افراتفري ۽ 9 مئي جي فسادن کي جنم ڏنو هو. فوجي عدالتون 9 مئي جي واقعي بابت هڪ هفتي ۾ فيصلو ٻڌائينديون.راڻا ثناءُالله 9 مئي جي فسادن لاءِ پي ٽي آءِ باني کي جوابده ڪرڻ جو ارادو ظاهر ڪندي چيو ته جيڪڏهن پي ٽي آءِ باني انهي ڀڃ ڊاهه جو ڏوهاري قرار ڏنو ويو ته انهي جي خلاف ملٽري ايڪٽ جي تحت قانوني ڪارروائي ڪئي ويندي.پي ٽي آءِ جو ٻيو نالو عمران خان آهي ڇو ته انهي جي اجازت کان سواءِ پي ٽي آءِ ۾ ڪوبه ڪجهه نٿو ڪري سگهي. عمران خان پنهنجي آزادي کان علاوه ڪنهن به قسم جون ڳالهيون اڳتي وڌائڻ جي موڊ ۾ نه آهي.راڻا ثناءُالله مدرسن جي رجسٽريشن واري بل جي معاملي تي چيو ته مولانا فضل الرحمان جيڪا ڳالهه چئي رهيو آهي انهي ۾ وزن آهي مدرسن جي رجسٽريشن واري بل جو مسئلو ايترو وڏو نه آهي ڪجهه ڏينهن ۾ حل ٿي ويندو.
