لاهور (ڊيسڪ نيوز) پاڪستان جي مشهور گلوڪار عاطف اسلم چيو آهي ته منهنجي زال مونکي ڏسي شادي ڪئي ۽ منهنجي زال کي منهنجا گانا پسند ناهن ان ڪري ئي مون ساڻس شادي ڪئي. منهنجي زال کي گهڻي ڀاڱي انڊين مشهور گانا وڻندا آهن. بي بي سيءَ کي انٽرويو ڏيندي عاطف اسلم چيو ته گذريل 17 سالن کان مان ڳائڻ ۾ گهڻو مصروف رهيو آهيان ۽ هاڻي احساس ٿيندو آهي ته زندگي روبوٽ جهڙي ٿيندي پئي وڇي ان ڪري مان اهڙا گانا به ڳايان پيو جيڪي روحاني سڪون ملي. تاجدار حرم ۽ قصيده برده شريف به مونکي سڪون ڏيندا آهن ۽ اهڙي ميوزڪ جي ڪري ئي مونکي الله مليو. هڪ سوال جي جواب ۾ عاطف چيو ته مون جيترو انڊيا ۾ ڪم ڪيو آهي ايتري جو سوچيو به نه هيم اتان جي ٻڌندڙن جي دلين ۾ جڳهه ٺاهي اهو ئي ڪافي آهي. منهنجي هڪ گاني تي بندش هنيائون هاڻي اها ختم پيا ڪن سٺي ڳالهه آهي. مونکي مقبوليت پاڪستان ۾ ملي ان جي ڪري ئي ڀارت ۾ گهرايو ويو. مونکي شهرت ڀارت مان مليل ناهي. ان ڪري مان هتي پنهنجي ملڪ ۾ پيو ڳائيندس. ڀارت وارن منهنجي گانن تان نالو هٽائي ڇڏيو مونکي ان جي ڪا پريشاني ناهي، ڇو ته ماڻهن کي خبر آهي ته هي ڪنهنجو آواز آهي.
