لنڊن (ويب ڊيسڪ) نئين چمڪندڙ مھانگي ترين اسپورٽس ڪار ليمبورگني خريد ڪرڻ جي ڪجهه منٽن بعد ئي خوفناڪ حادثي ۾ تباھ، ٿي وئي. بي بي سي مطابق برطانيا جي رياست اولهه يارڪ شائر ۾ دنيا جي مھانگي ترين اسپورٽس ڪار ليمبورگني خوفناڪ حادثي جو شڪار ٿي وئي. حادثي جو شڪار ٿيندڙ ليمبورگني ھڪ شھري پاران خريد ڪرڻ جي رڳو 20 منٽن بعد حادثي جو شڪار جڏهن ته اسپورٽس ڪار جي قيمت 2 لک پائونڊ يعني پاڪستاني لڳ ڀڳ 4 ڪروڙ رپيا ٻڌائي پئي وڃي.مقامي پوليس مطابق حادثي جو شڪار ٿيندڙ اسپورٽس ڪار اندر ٽيڪنيڪل فالٽ اچي ويو جنھن سبب گاڏي شوروم مان نڪرڻ جي رڳو 20 منٽن بعد خوفناڪ حادثي جو شڪار ٿي وئي.پوليس ٻڌايو ته يارڪشائر جي ايم ون موٽر وي تي ھي حادثو پيش آيو آهي ۽ گاڏي ٽيڪنيڪل خرابي سبب روڊ جي وچ تي ئي بند ٿي وئي جنهن بعد پويان ايندڙ وين گاڏي سان ٽڪرائجي وئي. ياد رهي ته ليمبورگني سان ٽڪرائيندڙ وين جي ڊرائيور کي مٿي تي معمولي ڌڪ لڳو آهي.
