ننگرپارڪر (ن س ) ننگرپارڪر ۾ سياري جي مند ايندي ئي ناياب مهمان پکين جي شڪار لاءِ شڪاري پهچي ويا، ناياب پکين جي نسل ڪشي ٿيڻ لڳي، لاڳاپيل کاتن ڪوبه تحرڪ نه ورتو،راڻپور ڊيم، رڻ ڪنڌي وارن علائقن گڍڙو، ڇڇي ۽ ٻين علائقن ۽ ڊيمن تي پهتل پرڏيهي ناياب پکين تلور، آڙي، اٺ پکي ۽ ٻين پکين جي شڪار لاءِ شڪاري پهچي ويا،علائقي واسين جو چوڻ هو ته شڪاري رڻ ڪنڌي وارن علائقن ۾ پهچي پرڏيهي ناياب مهمان پکين جي نسل ڪشي ڪرڻ لڳا، لاڳاپيل کاتن طرفان ڪوبه تحرڪ نه ورتو ويو،علائقي واسين جو چوڻ هو ته شڪاري سرعام مهمان پکين جو غيرقانوني شڪار ڪري رهيا آهن،هنن چيو ته جهنگلي جيوت کاتو ۽ لاڳاپيل اختياريون معاملي جو نوٽيس وٺي ناياب نسل جي پکين جو شڪار بند ڪرائين ۽ شڪارين خلاف سخت قدم کنيا وڃن.
