نوابشاهه (ن س)نوابشاهه جي پرائمري اسڪول ۾ استاد معصوم نينگر کي مبينا طور تشدد جو نشانو بڻائي سندس اک ضايع ڪري ڇڏي. مهراڻ ڪالوني جي پي ايس پرائمري اسڪول ۾ استاد عابد پهرين ڪلاس جي شاگرد ذاڪر پٽ سليم جمالي کي مبينا طور سخت تشدد جو نشانو بڻايو، جنهن سبب سندس اک ضايع ٿي وئي. واقعي خلاف نينگر جي وارثن پريس ڪلب ٻاهران احتجاجي مظاهرو ڪيو. نينگر جي وارثن نوشاد علي جمالي ٻڌايو ته ڪجهه ڏينهن اڳ نينگر جي اک جو آپريشن ٿيو، استاد نينگر تي تشدد ڪري سندس اک ضايع ڪري ڇڏي آهي. هنن اعليٰ اختيارين کان مطالبو ڪيو ته معاملي جو نوٽيس وٺي استاد خلاف ڪارروائي ڪئي وڃي.
