نوشهروفيروز (ڊ ر) سنڌ يونيورسٽي خانبهادر سيد الھندو شاھ ڪيمپس نوشھروفيروز ۾ روزگار جا موقعا جي عنوان سان ھڪ پروگرام ٿيو جنهن کي خطاب ڪندي سنڌ يونيورسٽي جي وائيس ڇانسلر ڊاڪٽر فتح محمد برفت چيو ته جنهن وٽ لطيف سچل ۽ علامه اقبال جهڙا آفاقي شاعر ھجن اها قوم ترقي ئي ڪندي. ھن چيو ته سيد الهندو شاھ ساهتي پرڳڻي جو سرسيد احمد خان ھو، علي ڳڙھ به هڪ اسڪول هو جيڪا يونيورسٽي بڻي مدرسه هاءِ اسڪول نوشھروفيروز ھڪ يونيورسٽي آھي هن چيو ته شاگردن کي استاد ئي آسمان تي پهچائيندا آھن.ان موقعي تي جهوني سياستدان سيد ظفر علي شاھ چيو ته 19 صدي جي آخر۾ 1893ع ۾ ھي ادارو قائم ٿيو، ان وقت نوشھروفيروز هڪ واهڻ هيو، ان دور ۾ اسان جي وڏن خانبهادر سيد الهندو شاھ انگريزي تعليم جي شمع ٻاري. هن چيو ته سيد الهندو شاھ شاگردن کي ھاسٽل ۾ رھائڻ جو بندوبست به ڪندو هو ۽ تعليم به ڏياريندو هو. ھن يونيورسٽي ڪيمپس جي لائبرري جي ڪتابن جي لاءِ ٻه لک روپين جو اعلان ڪيو. تعليمي ماھر ۽ هن يونيورسٽي جي قيام لاءِ جدوجهد ڪندڙ فقير محمد ميمڻ چيو ته هن ڪيمپس کي الڳ يونيورسٽي جو درجو ڏنو وڃي جنهن لاءِ سنڌ اسيمبلي ۾ 21 فيبروري 2012 تي ايم پي سيد احمد علي شاھ هڪ ٺهراءُ پڻ پاس ڪرايو هو. ڪيمپس جي پرووائيس چانسلر ڊاڪٽر اسلم پرويز ميمڻ چيو ته “بزنس ايرينه پروگرام” منعقد ڪرڻ جو مقصد نوجوانن کي تعليم کان پوءِ پنهنجي پيرن تي بيهارڻ لاءِ رهنمائي ڪرڻ آهي. جنهن لاءِ اسان مختلف اسٽال پڻ لڳايا آھن تقريب کي ايم پي اي شھناز انصاري، ضلع وائيس چيئرمين پير قربان علي سهروردي ۽ ٻين پڻ خطاب ڪيو. ضلع وائيس چيئرمين پير قربان علي سهروردي پاران لائبرري لاءِ ٻه لک روپيه سميت پيئڻ جي صاف پاڻي جي پلانٽ ۽ شهناز انصاري گرائونڊ سميت ڪئمپس جي مرمتي ڪم ڪرائڻ جو اعلان ڪيو.
تازيون خبرون
مشهور خبرون
