نوشهروفيروز (رپورٽ مشتاق حسين مري) دريـاخان مري ڀرسان ڳوٺ اربـاب لاشاري ۾ 6 گھرن کي اوچتو باھ لڳي وئي باھ سبب مير حسن لاشاري، غلام مصطفي لاشاري، غلام عباس لاشاري، قدير لاشاري، عباس لاشاري ۽ اڪبر لاشاري جـي گھرن کي باھ لڳڻ ڪري گھرن ۾ بيٺل 8 ٻڪريون، هڪ ڍڳـي سميت گھر ۾ پيل الھ تلھ سڙي رک ٿي ويو. آسپاس جي ڳوٺاڻن پھچي باھ تي ضابطو آڻڻ جي ڪوشش ڪئي پر باهه گهڻي وڌي وڃڻ ڪري ضابطو آڻي نه سگهيا. گهرن کي لڳل باهه جو اطلاع نوشهروفيروز انتظاميه کي ڏنو ويو جتان فائر برگيڊ گاڏي پھچي باھ تي مڪمل طور تي ضابطو آندو. جڏھن ته گھرن جا مالڪ ڪڻڪ جي لاباري تي ھجڻ ۽ گهرن ۾ موجود نه هجڻ ڪري باهه گهرن کي وڪوڙي وئي. متاثرن ضلعي انتظاميه سميت اعليٰ اختيارين کان مطالبو ڪيو ته سخت گرمي جي موسم هئڻ ڪري گهرن اڏڻ لاءِ اسان جي مالي مدد ڪئي وڃي.
تازيون خبرون
مشهور خبرون
