لاهور ( ويب ڊيسڪ ) نيوزيلينڊ خلاف هوم سيريز لاءِ پاڪستان ٽيم جو اعلان ڪري ڇڏيو، افغانستان خلاف سيريز ۾ آرام کانپوءِ ٽاپ پليئرن کي اسڪواڊ ۾ واپسي ٿي آهي.ٽي ٽوئنٽي ورلڊ ڪپ جي فائينل ۾ زخمي ٿيڻ کانپوءِ ٽيم مان آئوٽ اسٽار فاسٽ بالر شاهين شاهه آفريدي ڪيويز خلاف عالمي ڪرڪيٽ ۾ واپسي ڪندو.بابر اعظم ڪپتان، شاداب خان جي نائب ڪپتان واري پوزيشن برقرار آهي، احسان الله، زمان خان ۽ صائم ايوب ٽي ٽوئنٽي اسڪواڊ ۾ شامل آهن جڏهن ته عماد وسيم به ٽي ٽوئنٽي اسڪواڊ ۾ جڳهه برقرار رکڻ ۾ ڪامياب رهيو آهي.انکانسواءِ ٽي ٽوئنٽي اسڪواڊ ۾ فهيم اشرف، فخر زمان، حارث رئوف، افتخار احمد، محمد حارث، محمد نواز، محمد رضوان، نسيم شاهه، صائم ايوب، شاهين شاهه آفريدي ۽ شان مسعود شامل آهي.ون ڊي اسڪواڊ ۾ بابر اعظم ڪپتان، شاداب خان نائب ڪپتان، عبدالله شفيق، فخر زمان، حارث رئوف، حارث سهيل، احسان الله، امام الحق، محمد نواز، محمد رضوان، محمد وسيم جونيئر، نسيم شاهه، سلمان علي آغا، شاهين شاهه آفريدي، شان مسعود ۽ اسامه مير شاهن.ان کان سوا ريزرو رانديگرن عباس آفريدي، ابرار احمد ۽ طيب طاهر شامل آهن.
