راولپنڊي(ويب ڊيسڪ) پاڪستان ٻئي ٽي توئنٽي ميچ ۾ 12.1 اوورز ۾ ميچ کٽي نيوزيلينڊ کي 7 وڪيٽن تان شڪست ڏئي ڇڏي. محمد رضوان وننگ اسٽروڪ ۾ چوڪو هڻي ميچ کٽي ورتي. رضوان 45 ۽ عرفان نيازي 18 رنز تي ناٽ آئوٽ رهيا. پاڪستان 91 رنز جي ٽارگيٽ لاءِ صائم ايوب ۽ بابر اعظم اننگ شروع ڪئي، صائم ايوب ٻن بالن تي هڪ چوڪو هڻي بن لسٽر جي هٿان سندس ئي بال تي ڪيچ ٿيو، بابر اعظم 3 چوڪن جي مدد سان 13 بالن تي 14 رنسون ٺاهي بريسويل جي بال تي سيفرٽ هٿان اسٽيمپ آئوٽ ٿيو، عثمان خان 7 رنسون ٺاهي سوڍي جي بال تي بولڊ ٿيو. محمد رضوان ۽ عرفان خان نيازي اسڪور اڳتي وڌايو ۽ ميچ کٽرائي. پاڪستان ٽاس کٽي نيوزيلينڊ کي بيٽنگ جي دعوت ڏني ۽ پوري مهمان ٽيم 18.1 اوورن ۾ 90 رنز ٺاهي آئوٽ ٿي وئي. راولپنڊي ۾ کيڏيل 5 ميچن تي ٻڌل سيريز جي ٻئين ٽي ٽوئنٽي ميچ ۾ قدر آسان ٽارگيٽ ملڻ تي پاڪستاني ٽيم ڪافي خوش نظر آئي. پهرين ميچ بارش سبب نه ٿي سگهي هئي پر ٻئي ميچ لاءِ قومي ٽيم جي اسڪواڊ ۾ ڪا به تبديلي نه ڪئي وئي. نيوزيلينڊ جو ڪو به بيٽسمين پاڪستاني بالرن جي مقابلي ۾ گهڻي دير نه هلي سگهيو . نيوزيلينڊ جو بيٽسمين مارڪ چيپمين 19 رنسون ٺاهي ٽاپ اسڪورر رهيو. ساهين آفريدي 3.1 اوورز م 13 رنز ڏئي 3 وڪيٽون ورتيون. محمد عامر، ابرار ۽ شاداب ٻه ٻه شڪار ڪيا ۽ نسيم شاهه کي هڪ وڪيٽ ملي.
