لاهور(ويب ڊيسڪ)ٽيسٽ ڪرڪيٽر ابرار احمد چيو آهي ته هن وقت منهنجو ڌيان ريڊ بال ڪرڪيٽ تي آهي، سريلنڪا خلاف سيريز جي تيارين لاءِ ڪيمپ ۾ سخت محنت ڪئي آهي.ابرار احمد چيو ته ٽريننگ ڪيمپ ۾ گهڻو ڪجهه سکڻ جو موقعو مليو، صبح جي سيشن ۾ اسان کي مهارتن جا ٽوٽڪا ڏنا ويا ۽ پوءِ منجهند ۾ گرائونڊ ۾ ان مطابق بالنگ جي مشق ڪندا هئاسين. هن چيو ته مان ٽريننگ ڪيمپ ۾ نئين ورائيٽي لاءِ ڪم ڪيو آهي، سينيئر اسپنرز نعمان علي ۽ زاهد محمود کان سکي رهيو آهيان، وڌيڪ بال سان کيڏندو آهيان ۽ ان دوران مختلف بالنگ ڪندو آهيان.ابرار احمد جو چوڻ آهي ته مان سمجهان ٿو ته مان وائيٽ بال ڪرڪيٽ ۾ به سٺي ڪارڪردگي ڏيکاري رهيو آهيان پر هن وقت منهنجو ڌيان ڳاڙهي بال جي ڪرڪيٽ تي آهي ۽ مان سريلنڪا خلاف ٽيسٽ سيريز لاءِ ڪم ڪري رهيو آهيان.
