لنڊن(ويب ڊيسڪ) يونيورسٽي ڪاليج لنڊن جي ماهرن هڪ مطالعي دوران 6 جي نيٽ ورڪ تي وائرليس ڊيٽا موڪلڻ ڪامياب تجربو ڪيو آهي. انهي تجربي دوران ماهرن في سيڪنڊ ۾ 938 گيگا بائيٽ ڊيٽا سينڊ ڪرڻ ۾ ڪاميابي حاصل ڪري ورتي آهي. اها رفتار 5 جي ٽيڪنالاجي جي مقابلي ۾ 9 هزار ڀيرا وڌيڪ تيز آهي. آسان لفظن ۾ انٽرنيٽ جي ايڏي وڏي رفتار سان توهان هڪ سيڪنڊ ۾ 20 کان وڌيڪ فلمون ڊائونلوڊ ڪري سگهو ٿا ۽ 500 سو اي ميلون ڪري سگهجن ٿيون.ماهرن ايتري تيزي سان ڊيٽا موڪلڻ ۾ ڪاميابي هڪ نئين فريڪوئنسي اسپيڪٽرمف ذريعي حاصل ڪئي آهي.انهي فريڪوئنسي اسپيڪٽرم تي پهرين ڪڏهن به تجربو ناهي ڪيو ويو.ماهرن ڊيٽا موڪلڻ جي لاءِ ريڊيو جي لهرن ۽ روشني ميلاپ ڪندي پيدا ٿيندڙ انٽرنيٽ جي رفتار سان پهرين واري انٽرنيٽ رفتار جو رڪارڊ ٽوڙڻ ۾ ڪاميابي حاصل ڪئي آهي.ماهرن جو چوڻ آهي ته اهو بلڪل ائين آهي جيئن هڪ سوڙهي ۽ سڌي روڊ کي 10 لائينن جي هاءِ وي ۾ تبديل ڪجي.هنن جو وڌيڪ چوڻ هو ته جنهن طرح اسان کي گاڏيون هلائڻ لاءِ کليل روڊ جي ضرورت پوندي آهي ائين ئي وڌيڪ ڊيٽا موڪلڻ جي وڌيڪ بينڊ وٿ جي ضرورت پوندي.ماهرن جي سمارٽ فون ڪمپنين ۽ نيٽ ورڪ فراهم ڪندڙ ڪمپنين سان به ڳالهه ٻولهه هلندڙ آهي ته جيئن هن ٽيڪنالاجي کي جلد کان جلد صارفين تائين پهچايو وڃي.
