اسلام آباد(بيورو رپورٽ)پاڪستان تحريڪ انصاف جي اڳواڻ شوڪت يوسفزئي چيو آهي ته ڳالهين جو نتيجو هڪ ڏينهن ۾ نه ٿو اچي سگهي.ڳالهائيندي هن چيو ته هو حڪومت جي سنجيدگي کي ڏسندا، پهريون قدم ملڪي حالتن کي ٺيڪ ڪرڻ آهي.پي ٽي آءِ باني جي سول نافرماني جي ڪال بابت ڳالهائيندي شوڪت يوسفزئي چيو آهي ته سول نافرماني جي ڪال پي ٽي آءِ باني ڏني آهي، کيس ملتوي ڪرڻ جو اختيار آهي. هن چيو ته سڀ احتجاج ڪندڙ اسلام آباد اچن ٿا، پوءِ ان تي پي ٽي آءِ تي الزام ڇو لڳايو پيو وڃي؟ پي ٽي آءِ اڳواڻ چيو ته سياسي ڪارڪنن تي دهشتگردي جا ڪيس درست ناهن، بيگناهه ماڻهن کي جيلن ۾ رکيو وڃي ٿو. عدالتن مان انصاف ملڻ گهرجي، جڏهن عدالتون ڪارڪنن کي آزاد ڪنديون آهن ته انهن کي گرفتار ڪرڻ واري پوليس ڪير آهي؟ ڳالهين جي حوالي سان شوڪت يوسفزئي چيو آهي ته ڳالهين ۾ 26هين آئيني ترميم، مهانگائي ۽ عوامي فنڊن جي چوري تي به ڳالهه ٻولهه ڪئي ويندي.ڏکڻ وزيرستان ۾ ٻه ڏينهن اڳ شهيد ٿيل نوجوانن بابت ڳالهائيندي هن چيو ته شهيد ٿيل 16 نوجوان اسان جا پنهنجا ٻار هئا، انهن خلاف ڳالهائڻ اسان کي قبول ناهي.پي ٽي آءِ اڳواڻ شوڪت يوسفزئي به چيو ته فوج خلاف ڳالهائيندڙن جي حمايت نٿا ڪري سگهون، فوج اسان جي آهي.
