ٺٽو (ڊ ر) نوجوان آصف مگسي جي لانگ جمپ واريون وڊيوز سوشل ميڊيا تي وائرل ٿيڻ کانپوءِ ايٿليٽڪس فيڊريشن نوجوان سان رابطو ڪري کيس لاهور گهرائي ورتو آهي. 22 ورهين جي آصف جون، شاخن، واهن ۽ 11 موٽرسائيڪلون گڏ بيهاري مٿان لانگ جمپ ڏيڻ واريون ويڊيو سوشل ميڊيا تي وائرل ٿيون هيون.
جنهن بعد ايٿليٽڪس فيڊريشن جي صدر محمد اڪرم ساهي چيو ته هو حيران آهي ته ايڏو ٽيلنٽ اسان وٽ موجود آهي. هن چيو ته ٺٽو واسي نوجوان کي تربيت ڏئي وڌيڪ گُر سيکاري کيس عالمي مقابلن لاءِ تيار ڪنداسين.
