ڪراچي(اسٽاف رپورٽر)واپار کي هٿي وٺرائڻ لاءِ اڄ کان ڪراچي ۾ فيلسيس ڪسٽم اسيسمينٽ سسٽم لاڳو ڪيو ويو آهي.ايف بي آر موجب 14 ڊسمبر جي رات 12 وڳي کانپوءِ گڏ ڪيل درآمدي سامان جا ڊيڪليئريشن سينٽرل اپريزيل يونٽ حوالي ڪيا ويندا.ڏکڻ ايشيا پاڪستان ٽرمينل ڪراچي ۾ سينٽرل اپرائزنگ يونٽ قائم ڪيو ويو آهي. ايف بي آر جو چوڻ آهي ته نئون نظام ڪليئرنس جي وقت ۾ گهٽتائي سان واپار کي آسان بڻائيندو، اهو نظام جلد ملڪ جي ٻين بندرگاهن ۽ سرحدي اسٽيشنن تي لاڳو ڪيو ويندو.ان کان علاوه ڪسٽم اپريسمينٽ جو ڪم به ڪسٽم ڪليڪٽريٽس مان منتقل ڪيو ويندو.ڪسٽم ڪليئرنگ ايجنٽن لاءِ قابليت جو معيار ۽ لائسنس وارو نظام به تبديل ڪيو ويو آهي.ان حوالي سان چيف ڪليڪٽر ڪسٽم اپريزيشن جميل ناصر جو چوڻ هو ته ان سان ٽيڪس ادا ڪندڙ ۽ ٽيڪس آفيسرن وچ ۾ رابطي ۾ گهٽتائي ايندي.وزيراعظم ۽ چيئرمين ايف بي آر جو ڏنل ٽاسڪ پورو ڪنداسين.
