ممبئي (ويب ڊيسڪ)ڀارتي ڪرڪيٽ بورڊ جي نائب صدر راجيو شڪلا ورلڊ ڪپ ميچن لاءِ حيدرآباد ڪرڪيٽ ايسوسيئيشن جي سيڪيورٽي خدشن تي ڳالهايو.راجيو شڪلا جو چوڻ آهي ته آءِ سي سي ورلڊ ڪپ جي شيڊول ۾ وڌيڪ تبديليون ممڪن نه آهن، حيدرآباد وينجن جو انچارج آهيان، جيڪڏهن ڪو مسئلو آهي ته حل ڪرڻ جي ڪوشش ڪندس.سندس چوڻ آهي ته ورلڊ ڪپ جي شيڊول کي تبديل ڪرڻ ڪو آسان ڪم ناهي، اهو نٿو ٿي سگهي، رڳو بي سي سي آءِ شيڊول ۾ تبديلي نه ٿو ڪري سگهي، آءِ سي سي ۽ ٻين ٽيمن سميت سمورا اسٽيڪ هولڊر ملوث آهن.ڀارتي ميڊيا موجب حيدرآباد پوليس 9 آڪٽوبر تي نيوزيلينڊ ۽ هالينڊ ۽ 10 آڪٽوبر تي پاڪستان ۽ سريلنڪا وچ ۾ ٿيندڙ ٻن ميچن تي حيدرآباد ڪرڪيٽ ايسوسيئيشن کي خدشا ظاهر ڪيا هئا.ميڊيا رپورٽن موجب حيدرآباد ڪرڪيٽ ايسوسيئيشن بي سي سي آءِ کي پنهنجن خدشن کان آگاهه ڪيو هو، جنهن تي هڪ ڀيرو ٻيهر ورلڊ ڪپ جي شيڊول ۾ تبديلي جي گونج اچي رهي هئي.
