چيلهار(ساجد نهڙيو) وسڪاري بعد ٿرجي سوغات ۽ ٿر جون ڀاڄيون مارڪيٽ ۾ پهچي چڪيون آهن .ٿري هاري ٻهراڙين کان ڀاڄيون گوار، ميها، گدرا، ڇانهين ٻنين مان پٽي مارڪيٽ وڪرو ڪرڻ لڳا آهن ٿري گدرو ٽيهه کان چاليهه روپيه في ڪلو، ڇانهين في داڻو ويھ کان ٽيھ ۾ وڪرو ٿيڻ لڳو. جڏهن ته ڀاڄيون ميها ٽيھ کان چاليھ، گوار پنجاھ روپيا في ڪلو جي حساب سان وڪرو ٿيڻ لڳا آهن. ٿري ميوات ۽ ڀاڄيون نه رڳو ٿر پر سنڌ جي مختلف ضلعن عمرڪوٽ، نئون ڪوٽ ٻين ضلعن ۾ به وڪرو ڪري هاري طبقو سٺي آمدني حاصل ڪري پنهنجي خوشحال زندگي گذارڻ لڳو آهي.
ٿري ڀاڄيون ۽ ميوات ٻه کان ٽي مهينا مارڪيٽ ۾ وڪرو ٿين ٿيون. ان حوالي سان هاري طبقو روزاني سنڌ يار سان ڳالهائيندي چيو ته گذريل وڏي وقت کان پوءِ هيل سٺي وسڪارو ٿرين جي ڀورين ڀٽن کي ساوڪ سان ڍڪي ڇڏيو آهي اتي اسان جي زندگي پڻ هن وقت خوشحال بڻجي وئي آهي ٻنين ۾ ٿيل ميوات ۽ ڀاڄين اسان جي ڪمزور ٿيل معاشي حالتن کي پڻ مناسب بڻائي ڇڏيو آهي ۽ اڃان جيڪڏهن هڪڙي سٺي برسات پئي ته ميوات به سٺي ٿي ويندي فصل پڻ ڀلا ٿيندا.
