اسلام آباد (بيورو رپورٽ)سپريم ڪورٽ جي سينيئر جج جسٽس منصور علي شاهه چيو آهي ته ملڪ ۾ ٻارڙن لاءِ عدالتون قائم ڪرڻ جي ضرورت آهي، عدليه کي ٻارڙن جي حقن جو تحفظ ڪرڻو پوندو، ٻارڙن جي بهتر مستقبل لاءِ سڀني کي گڏجي ڪم ڪرڻ جي ضرورت آهي، تڪرارن جي ور چڙهيل ملڪن ۾ ٻارڙا وڌيڪ ڏکيائين جو شڪار آهن. اسلام آباد ۾ ٻارن جي انصاف بابت تقريب کي خطاب ڪندي جسٽس منصور علي شاهه چيو ته ٻارن جي حقن جو عدليا کي احساس آهي، ٻارڙا نه رڳو سندن مستقبل آهن پر سندن حال به آهن، ٻار سڀاڻي جا ماڻهو نه پر اڄ جا ماڻهو آهن، ٻار الله جو تحفو آهن. سپريم ڪورٽ جي سينيئر جج جسٽس منصور علي شاهه چيو ته ملڪ ۾ ٻارڙن لاءِ عدالتون قائم ڪرڻ جي ضرورت آهي، عدليه کي ٻارڙن جي حقن جو تحفظ ڪرڻو پوندو. هن چيو ته ٻارڙن جي بهتر مستقبل لاءِ سڀني کي گڏجي ڪم ڪرڻ جي ضرورت آهي، تڪرارن جي ور چڙهيل ملڪن ۾ ٻارڙا وڌيڪ ڏکيائين جو شڪار آهن. سپريم ڪورٽ جي سينيئر جج جسٽس منصور علي شاهه چيو ته ٻار اڄ سائبر بلنگ جهڙن خطرن کي منهن ڏئي رهيا آهن، ملڪ ۾ 25 ملين کان وڌيڪ ٻار اسڪول نه پيا وڃن، اسپيشل چائلڊ بابت سندن وٽ سهولتون موجود ناهن. جسٽس منصور علي شاهه چيو ته هو ججن کي ٻڌائڻ چاهي ٿو ته ٻارن لاءِ انصاف ڪيترو اهم آهي، هو ٻارن سان ڪڏهن مشورو ناهن ڪندا پاڻ پنهنجي مرضي سان ڪوبه فيصلو ڪندا آهن، مهرباني ڪري ٻارن کي ٻڌو. سپريم ڪورٽ جي سينيئر جج جسٽس منصور علي شاهه چيو ته چائلڊ ليبر ۽ چائلڊ ٽريفڪنگ ملڪ ۾ وڏو مسئلو آهي، عدليا کي ٻارن کي به فيصلا ڪرڻ جي عمل ۾ شامل ڪرڻ گهرجي.
