سکر:(ن س) سکر ڀرسان ٻٻرلو نيشنل هاءِ وي تي ڪار ۽ مزدا وچ ۾ خوفناڪ ٽڪر جي نتيجي ۾ هڪ ٻارڙي سميت 3 عورتون ۽ ٽيڪسي ڊرائيور ٿڏي تي فوت ٿي ويا. لاشن کي ايڌي ايمبولينس ذريعي اسپتال پهچايو ويو.خبر موجب ٻٻرلو ٿاڻي جي حد نيشنل هاءِ وي تي ڪار ۽ مزدا وچ ۾ خوفناڪ ٽڪر ٿي پيو جنهن جي نتيجي ۾ ٽن عورتن سميت هڪ ٻار ۽ ڪار ڊرائيور فوت ٿيو ويو حادثي جو اطلاع ملڻ تي حد پوليس ۽ موٽر وي پوليس حادثي واري هنڌ پهچي فوتين جا لاش ايڌي ايمبولينس ذريعي مقامي اسپتال منتقل ڪيا.حادثي ۾ فوت ٿيندڙن ۾ 3 عورتون، هڪ ٻار ۽ ٽيڪسي ڊرائيور بابو مستوئي شامل آهن، فوت ٿي ويلن جو تعلق ڌاريجو برادري سان آهي، فوتي ڪار ۾ سوار ٿي سکر شادي ۾ شرڪت لاءِ وڃي رهيا هئا ته حادثي جو شڪار ٿي ويا۔ قانوني ڪارروائي بعد لاش اباڻي ڳوٺ پهچايا ويندا. واقعي جي اطلاع ملڻ تي فوتي جي گهرن ۾ روڄ راڙو مچي ويو.
