لاهور(ويب ڊيسڪ) پاڪستان ڪرڪيٽ بورڊ آسٽريليا جي ٽم نيلسن کي پاڪستان ريڊ بال ٽيم جو هاءِ پرفارمنس ڪوچ مقرر ڪري ڇڏيو آهي.پي سي بي ذريعن موجب ٽم نيلسن جو تعلق ڏکڻ آسٽريليا ڪرڪيٽ ۾ ريڊ بال جي هيڊ ڪوچ جيسن گلسپي سان آهي.ذريعن جو چوڻ آهي ته جيسن گلسپي ٽم نيلسن کي پنهنجي اسپورٽس اسٽاف ۾ شامل ڪري ورتو آهي، ٽم نيلسن جيسن گلسپي سان گڏ پاڪستان شاهينز ڪيمپ به ڏسي رهيو آهي.ذريعن جو چوڻ آهي ته ٽم نيلسن گذريل ڏينهن پاڪستان شاهينز جي ٽريننگ ڪيمپ ۾ شامل هو، پاڪستاني ٽيم انتظاميا جو اعلان هڪ ٻن ڏينهن ۾ متوقع آهي.بنگلاديش خلاف ٽيسٽ سيريز لاءِ پاڪستاني ٽيم جو ٽريننگ ڪيمپ 11 آگسٽ کان شروع ٿيندو، ٻنهي ٽيمن وچ ۾ پهرين ٽيسٽ 21 کان 25 آگسٽ تائين راولپنڊي ۾ کيڏي ويندي. جڏهن ته ٻي ٽيسٽ 30 آگسٽ کان 3 سيپٽمبر تائين ڪراچي ۾ کيڏي ويندي.
