نئين دهلي (ويب ڊيسڪ)اڳوڻي ڀارتي اسٽار بيٽسمين سچن ٽنڊولڪر انٽرنيشنل ڪرڪيٽ ڪائونسل (آءِ سي سي) پاران منعقد ڪرايل ورلڊ ٽيسٽ چيمپيئن شپ ۾ آسٽريليا کان بري طرح هارائڻ تي ڀارتي ٽيم تي سخت تنقيد ڪئي آهي. سماجي رابطن واري ويب سائيٽ ٽوئيٽر تي جاري ڪيل بيان ۾ سچن ٽنڊولڪر ورلڊ ٽيسٽ چيمپيئن شپ جي فائنل لاءِ سينيئر آف اسپنر روي چندرن ايشون کي پليئنگ اليون مان ٻاهر ڪرڻ تي حيرانگي جو اظهار ڪيو.هن چيو ته ايشون دنيا جو نمبر ون ٽيسٽ بالر آهي ۽ هن جهڙن اسپنرن کي سازگار حالتن جي ضرورت ناهي، آسٽريليا وٽ 5 کاٻي هٿ وارا بيٽسمين هئا.سچن ٽنڊولڪر جو چوڻ آهي ته ڀارتي ٽيم کي پهرين اننگز ۾ سٺي بيٽنگ ڪرڻ گهرجي ها جيڪا هو نه ڪري سگهيا.اڳوڻي ڀارتي رانديگر پنهنجي ٽوئيٽ ۾ آسٽريلوي ٽيم کي ورلڊ ٽيسٽ چيمپيئن شپ کٽڻ تي مبارڪباد پڻ ڏني.
