ڪولمبو (ويب ڊيسڪ)پاڪستان ٽن ون ڊي ميچز جي سيريز ۾ افغانستان کي وائيٽ واش ڪندي سيريز کٽي ون ڊي جي عالمي رينڪنگ ۾ دنيا جي پهريون نمبر ٽيم بڻجي وئي آهي. آخري ميچ ۾ 59 رنز تان افغانستان کي شڪست ڏئي سيريز کٽي ورتي. افغانستان جي پوري ٽيم 48.4 اوورز ۾ 209 رنز تي آئوٽ ٿي وئي. شاداب 3، نواز، شاهين آفريدي ۽ فهيم اشرف ٻه ٻه وڪيٽون ورتيون هڪ وڪيٽ سلمان آعا کي ملي. ڪولمبو ۾ کيڏيل ميچ ۾ پاڪستان طرفان ڏنل 269 رنسن جي هدف جي تعاقب ۾ افغانستان جي پوري ٽيم 49 هين اوور ۾ 209 رنسن تي ڍير ٿي وئي.اهڙي طرح پاڪستان فتح جو سفر جاري رکيو جيڪو ڪولمبو ۾ همبنٽوٽا کان شروع ٿيو هو.افغانستان طرفان مجيب الرحمان 35 بالن تي 64 رنسون ٺاهيون، جنهن دوران هن 5 ڇڪا ۽ ڪيترا چوڪا لڳا، بدقسمتي سان شاهين آفريدي کيس آئوٽ ڪيو.افغانستان طرفان شاهد الله 37، رياض حسن 34، راشد خان 16، حشمت الله شاهدي 13، رحمان الله گربز 5، محمد نبي 3، جڏهن ته ابراهيم زدران ۽ گلبدين نايب بنا ڪنهن رنسون ٺاهي پويلين موٽي ويا.گرين شرٽس طرفان شاداب خان 3 رانديگرن کي آئوٽ ڪيو، جڏهن ته فهيم اشرف، شاهين شاهه آفريدي ۽ محمد نواز 2-2 جڏهن ته آغا سلمان هڪ رانديگر کي آئوٽ ڪيو.پاڪستان پهريان بيٽنگ ڪندي مقرر 50 اوورن ۾ 8 وڪيٽن جي نقصان تي 268 رنسون ٺاهيون، گرين شرٽس طرفان محمد رضوان 67 ۽ بابر اعظم 60 رنسون ٺاهيون. ان دوران رضوان 1 ڇڪو ۽ 6 چوڪا جڏهن ته بابر 1 ڇڪو ۽ 4 چوڪا هنيا.ٻين رانديگرن ۾ محمد نواز 30، فخر زمان 27، امام الحق 13، سعود شڪيل 9، شاداب خان 3 ۽ فهيم اشرف 2 رنسون ٺاهيون.افغانستان طرفان گلبدين نايب 2 ۽ فريد احمد 2 وڪيٽون ورتيون، جڏهن ته فضل حق فاروقي، مجيب الرحمان ۽ راشد خان هڪ وڪيٽ ورتي.ٽئين ميچ ۾ گرين شرٽس ٽاس کٽي بيٽنگ جو فيصلو ڪيو، ڪولمبو ۾ ٽاس کانپوءِ ڳالهائيندي ڪپتان بابر اعظم چيو ته اڄ پهريان 10 اوور مشڪل هوندا، وڌيڪ رنسون ٺاهي افغان ٽيم تي دٻاءُ وڌو ويندو.بابر اعظم چيو ته ميچ لاءِ ٽيم ۾ 4 تبديليون ڪيون ويون آهن. سعود شڪيل، فهيم اشرف، محمد نواز ۽ وسيم جونيئر کي اسڪواڊ ۾ شامل ڪيو ويو آهي جڏهن ته حارث رئوف، نسيم شاهه، افتخار احمد ۽ اساما مير کي آرام ڏنو ويو آهي.
