اسلام آباد(بيورو رپورٽ) وفاقي گادي واري شهر جي هاءِ ڪورٽ ڪالعدم تحريڪ طالبان سان جڙيل هڪ شڪي دهشتگرد جي سزا معطل ڪري ڇڏي آهي. جسٽس محمد سرفراز ڊوگر ۽ جسٽس محمد آصف تي مشتمل ڊويزن بينچ ڌماڪيدار مادو رکڻ جي الزام ۾ جوابدار عبدالله کي دهشتگردي ٽوڙ عدالت مان مليل 5 سالن جي سزا خلاف اپيل منظور ڪرڻ جو حڪم ٻڌايو. جوابدار جي وڪيل مولانا وجيهه الله عدالت کي ٻڌايو ته پوليس پاران پيش ڪيل ثبوتن ۾ تضاد آهي ۽ ٽرائل ڪورٽ اهي نقطا خاطر ۾ نه آندا. ايف آءِ آر موجب پوليس جوابدار کي جي 8 مان گرفتر ڪري ڌماڪيدر مواد برآمد ڪيو هو ۽ جوابدار جاچ ۾ ٽي ٽي پي سان تعلق هجن جو اعتراف ڪيو هو.
