دبئي(ويب ڊيسڪ) انٽرنيشنل ڪرڪيٽ ڪائونسل (آءِ سي سي) ٽي 20 رانديگرن جي رينڪنگ جاري ڪري ڇڏي آهي.آسٽريليا جو ٽريوس هيڊ آءِ سي سي ٽي 20 بيٽسمينن جي رينڪنگ ۾ پهرين نمبر تي برقرار آهي.پاڪستاني بيٽسمين بابر اعظم رينڪنگ ۾ هڪ درجو هيٺ لهي 8 هين نمبر تي اچي ويو آهي، جڏهن ته محمد رضوان 9 هين نمبر تي آهي.رينڪنگ موجب، نيوزي لينڊ جو ٽم سيفرٽ 20 درجا مٿي ڪري 13 هين نمبر تي پهچي ويو آهي، ۽ نيوزي لينڊ جو فن ايلن پڻ 8 درجا مٿي ڪري 18 هين نمبر تي پهچي ويو آهي.ٻئي طرف، ويسٽ انڊيز جو عقيل حسين ٽي 20 بالرن ۾ پهرين نمبر تي آهي، جڏهن ته پاڪستان جو ڪو به بالر ٽاپ 20 ۾ شامل ناهي.آءِ سي سي بالرن جي رينڪنگ ۾ پاڪستاني بالر حارث رئوف 4 درجا ترقي ڪري 26 هين نمبر تي پهچي ويو آهي، جڏهن ته شاهين آفريدي 6 درجا هيٺ لهي 30 هين نمبر تي اچي ويو آهي.ان کان علاوه، هندستان جو هاردڪ پانڊيا ٽي 20 آل رائونڊرن ۾ پهرين نمبر تي برقرار آهي.
